Tama
o mali? Sino ang may sala? Mga tanong na kay hirap sagutin, di ba? Higit sa
lahat, paano ko ipagtatanggol at bibigyan ng katarungan ang aking hinahawakang kaso?
Haaayyy…
Bagong abogado lang ako! Mabuti na lang at nakakuha ako ng sapat na ebidensiya upang
ipagwalang-sala ang aking kliyente. Ganon!
Ngunit,
ako' y nagulat sa aking nalaman...
Hindi
pala ang aking kliyente ang nagmamaneho ng sasakyan nang ito'y makasagasa ng bata
at sawingpalad na namatay. Pero, bakit nya sinabing siya ang nagmamaneho at
dinahilan ang kanyang pagkalasing kaya't di nya napansin ang pagtawid ng bata?
Hmmm..?
Yun
pala, kasama nya ang binatilyo nyang anak nang gabing iyon at sila ay dumalo sa
isang kasiyahan. Napasobra daw ang inom nya ng alak kung kaya't inutusan nyang
magmaneho ang kanyang anak. Nakupo! E, labing-anim na taong gulang pa lang
yung anak nya at wala pang lisensya! Utusan bang magmaneho!?
Kaya,
nang makaaksidente, bilis-bilis na nagpalit sila ng upuan sa kotse, at nang
dumating ang pulis upang mag-imbistiga ay sinabi ng aking kliyente na siya ang
nakabangga.
Paano
na ngayon? Paano ko ipagtatanggol ang aking kliyente kung alam ko na ang totoong
pangyayari?
Nasaan
ang hustisya? Sino ang tunay na may sala?!
No comments:
Post a Comment